دیر ڈاکہ، چار اہلکار ہلا

صوبہ سرحد کے ضلع دیر میں نامعلوم مسلح افراد کے ایک حملے میں اے ایس آئی سمیت چار اہلکار ہلاک اور چار زخمی ہوگئے ہیں۔ طالبان نے حملہ آوروں کوگرفتار کرلیا ہے جبکہ حکومت نے انہیں ’شرعی عدالت‘ میں پیش کرنے کا اعلان کیا ہے۔

لوئر دیر کے وچ پولیس چوکی کے ایک اہلکار پرویز رحیم نے بی بی سی کو بتایا کہ منگل اور بدھ کی درمیانی شب ڈیڑھ بجے نامعلوم مسلح افراد چکدرہ میں واقع ملاکنڈ یونیورسٹی سے سامان چرانے کی غرض سے داخل ہوئے تو اطلاع ملنے پر پولیس کی ایک موبائل ٹیم وہاں پہنچ گئی۔

ان کے بقول جونہی پولیس وہاں پہنچی تو مسلح افراد نے گاڑی پر راکٹوں سے حملہ کردیا جس میں اے ایس آئی عزیزاللہ اور حوالدار عنایت اللہ سمیت تین اہلکار موقع پر ہلاک جبکہ ڈرائیور اور دوسپاہی زخمی ہوگئے۔ان کے مطابق مسلح افراد یونیوسٹی کی دو گاڑیاں لے گئے البتہ انہوں نے اپنی دو گاڑیاں چھوڑ دیں جن کو پولیس نے اپنے قبضہ میں لے لیا۔

ملاکنڈ ڈویژن کے پبلک ریلیشنگ آفیسر دوست محمد نے بی بی سی کو بتایا کہ حملہ آوروں نے گیٹ پر مامورسکیورٹی گارڈ کو رسیوں سے باندھ کر انہیں زدوکوب کرکے ان سے چابیاں چھین لیں لیکن جب پولیس موقع پر پہنچی تو مسلح افراد نے سکیورٹی گارڈ کو گولیاں مار دیں۔

حملے کے چند گھنٹے بعد ہی لوئر دیر کی سرحد پر واقع ضلع سوات کے شموزئی کے علاقے میں طالبان نے ان حملہ آوروں کو پکڑ لیا۔ ملاکنڈ ڈویژن کے کمشنر سید جاوید نے بی بی سی سے بات کرتے ہوئے طالبان کے ہاتھوں حملہ آوروں کے گرفتاری کی تصدیق کی۔

ان کے بقول طالبان نے چودہ کے قریب افراد کو پکڑ لیا ہے جن کے قبضے سے یونیورسٹی کی دونوں گاڑیاں برآمد کر لی گئیں ہیں۔ ان کے مطابق پکڑے جانے والے افراد جرائم پیشہ ہیں۔ ان کے بقول طالبان انہیں حکومت کے حوالے کریں گے جنہیں بہت جلد تحصیل بری کوٹ کی ’شرعی عدالت‘ میں پیش کردیا جائے گا۔

حکومت اور طالبان کے درمیان کالعدم نفاذ شریعت محمدی کے توسط سے ہونے والے امن معاہدے کے بعد یہ اپنی نوعیت کا ایسا پہلا واقعہ ہے کہ جب پولیس اہلکاروں کو قتل کیا جاتا ہے اور طالبان مبینہ حملہ آوروں کو گرفتار کرکے انہیں حکومت کے حوالے کرتے ہیں۔ اس سے طالبان کی مستعدی، منظم ہونے اور ان کے علاقے پر بدستور کنٹرول کا اندازہ بھی بخوبی لگایا جاسکتا ہے۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s